Kinumpirmar ti Department of Justice a saan pay a marugyan ti pannakabiruk kadagiti mapukpukaw a sabungero iti paset ti Taal Lake.
Kinunada a saan pay a sigurado no kaanoda nga irugi daytoy, kalpasan nga impakaammo ti maysa a testigo a dagiti biktima ket napapatay ken maatap a naitabon iti nasao a lugar.
Sigun kenni Secretary Jesus Crispin Remulla, mangiruar dagitoy iti advisory iti publiko iti kanito a rugyanda ti panangbiruk kadagiti biktima.
Nupay kasta, inaklonna a saan pay a nakasagana ti nasao nga ahensya maipanggep iti nasao nga operasyon agsipud ta kurang ti kapadasan dagiti tauhan dagitoy.
Gapu iti dayta, kinunana nga agkiddaw dagitoy iti tulong sadiay Japan tapno makiaramat iti submersible remote robots tapno mapapartak ti pannakabiruk kadagitoy.
