Manarimaan ti pannaisingpa dagiti steel screen gate kadagiti amin a pagayusan ti danum nga agturung iti dam idiay City camp lagoon.
Saklawen ti proyekto nga steel screen gate para iti nasao a lugar ket dagiti amin a boundary dagiti pito wenno walo a barangay a masakupan ti pagay-ayusan ti danum wenno drainage.
Gapu iti dayta, agarap sangapulo ket maysa nga steel screen ti manamnama a maikarga iti nasao a lugar.
Daytoy nga steel screen gate ket paset ti proyekto ti City Engineering Office iti siudad ti Baguio.
Sigun kenni Silvino Cominga Jr., barangay Captain iti Lower Rock Quarry, dakkel a katulungan ti panangikabil kadagiti nadakamat nga steel screen.
Malaksid iti steel screen gate, ket maikkan daytoy iti platform a pagbatayan dagiti agdalos iti drainage.
Imbinglayna pay nga adda ti sistema nga aramidem dagitoy tapno mamintenar ti kinadalos ti steel screen no sadino dagiti masakupan a barangay ket dagitoy ti naituding a mangdalus kadagitoy.
Kabayatanna, nagballaag metlaeng ni Cominga Jr., iti publiko nga agbalin a disiplinado partikular iti umno a panangibelleng kadagiti basurada.
Innayon pay a mapangpanggep a maikkan iti CCTV dagiti amin a lugar a naikkan iti steel screen tapno makita no siasino dagiti agibelleng iti basura sadiay.
Inyunay-unayna a disiplina ti kasapulan ti tunggal maysa tapno masolusyonan ti parikut maipapan iti basura.//Via Bombo Noveh Organo
