--Ads--
Kidkiddawen dagiti sumagmamano a mammanday-linteg sadiay Mindanao iti korte suprema ti pannakaisardeng ti impeachment trial kontra kenni Vice President Sara Duterte.
Iti 114 a panid ti petition dagitoy, kiniddawda metlaeng iti korte suprema nga ideklara ti Articles of Impeachment kas invalid ken awanan iti bisa.
Sigun kenni Atty. Israelito Torreon, maysa kadagiti petitioners, mariknada a ti impeachment complaint ket saan nga umdas tapno ma-impeach ti bise presidente.
Kinunana pay a depektibo ti impeachment trial gaputa saan a naikonsidera dagiti immuna a tallo impeachment complaint kenni Duterte.
Malaksid iti dayta, innayonda pay a saan a naipaayan ni Duterte iti due process rason a rumbeng laeng a maibasura ti impeachment complaint.
