Imbilin ni Philippine National Police (PNP) Chief Gen. Rommel Marbil iti pannakapapartak ti pannakabagi ti linteg iti panangipila ken panangrisut kadagiti kaso kontra kadagiti nagbiddut nga opisial.
Daytoy ket maysa nga aldaw kalpasan a kinuna ni National Police Commission (Napolcom) Vice Chairperson Rafael Calinisan a panggep ti nasao a komision a dalusan dagiti case backlog iti ngudo ti agdama a tawen ken mapapartak dagiti proseso iti uneg ti innem a pulo agingga siam a pulo nga aldaw tapno malpas dagiti kaso kontra kadagiti pulis gapu iti mapapati a saan a nasayaat a kababalin dagitoy.
Sigun kenni PNP Public Information Office Chief Col. Randulf Tuaño, kasapulan a maikkat dagiti opisial nga addaan ti kaso a misconduct nga adda pakainaigan iti serbisioda, a kas imbilin ni PNP Chief Marbil.
Maibasar iti datos, dumanon iti 1,375 nga opisial ti nadismisar manipod iti serbisioda idi tawen 2024.
Walo manipod iti 1,375 nga opisial ti lieutenant colonels, ti kangatuan a ranggo kadagiti nadismiar.
