BAGUIO CITY – Dumanon iti pito pulo ket dua nga indibidwal ti nakemmeg iti makalawas nga anti-criminality campaign ti Police Regional Office – Cordillera a nangrugi idi Agosto 11 agingga Agosto 17, iti agdama a tawen.
Maibasar iti datus ti opisina, nakatiliw ti Baguio City Police Office ti dua pulo ket uppat nga indibidual; dua pulo ket dua iti Benguet Police Provincial Office; sangapulo iti Abra Police Provincial Office; sag-innem iti Ifugao ken Kalinga Police Provincial Office; ken sag-dua iti Apayao ken Mt. Province Police Provincial Office.
Iti nasao a bilang, sangapulo ket lima ti nabigbig kas Top Most Wanted Persons (TMWP).
Malaksid iti dayta, nairekord ti zero crime incident iti innem a pulo ket innem a municipyo pakairamanan ti dua pulo ket lima (25) a municipyo iti Abra; sag-sangapulo iti Benguet ken Ifugao; siyam (9) iti Mt. Province; pito (7) iti Apayao, ken lima (5) iti Kalinga.
Nakairekrod met ti Baguio City Police Station 3, Police Station 4, Police Station 7, Police Station 8, Police Station 9 ken Police Station 10 iti zero crime incidente iti nasao a lawas.
