Kiniddaw ni Philippine National Police chief Rommel Marbil kenni Kingdom of Jesus Christ Leader pastor Apollo Q uiboloy tapno rumuaren daytoy iti paglemlemmenganna ken sumukon.
Impanamnama ni Marbil ti pannakasurot ken pannakaraem ti due process ken human rights apaman a sumuko ni Quiboloy.
Kiniddaw metlaeng ni Police Brigadier General ken Regional Director Nicolas Torre III kenni Quiboloy nga agpakita daytoy tapno maispal dagiti miyembro ti Kingdom of Jesus Christ (KOJC) manipud iti ibagbagada a “harassment.”
Maipalagip a sumangsango ni Quiboloy iti nagduduma a kaso pakairamanan ti child abuse ken human trafficking.
Immuna metten nga inwaragawag ti Department of the Interior and Local Government a mangipaayda iti P10 million a reward money iti makaitudo iti paglemlemmengan ni Quiboloy ngem agingga ita ket saan pay a natiliw.
Kasaruno iti daytoy, impeksa ni Senate President Chiz Escudero ti pannakadismaya iti Philippine National Police gapu iti pannakapaay dagitoy a mangiserbi iti warrant of arrest kenni Quiboloy.
