Saan a personal a makipaset ni President Ferdinand Marcos Jr. iti maangay nga Arrival of Honors kadagiti dua a piloto a pimmusay iti nagcrash nga FA-50 fighter jet sadiay Bukidnon.
Daytoy ket gapu iti urgent matter a nasken nga asikasoenna.
Gapu iti dayta, kinuna ti Malacañang a ni Special Assistant to the President, Secretary Anton Lagdameo ti mangrirepresentar iti presidente iti Arrival of Honors a maangay iti Villamor Airbase.
Maipalagip a mangipatpatungpal da Kalinga warrior CPT. Jude Salang-oy ken First Lieutenant AJ Dadulla manipud Bukidnon iti midnight operation idi Marso 4 tapno masuportaran ti tropa dagitoy kontra kadagiti Communist Terrorist Group, New People’s Army.
Nupay kasta, idi pasubli dagitoy idiay Cebu ket nagpukkaw ti linya ti komunikasyonda agingga a narekober laengen ti nag-crash nga aircraft dagitoy idiay Mt. Kalatungan, Bukidnon idi Marso 5.
