BAGUIO CITY- Ururayen pay ti Philippine Military Academy (PMA) ti kumpirmasyon ni Presidente Rodrigo Duterte iti imibitasyon nga agserbi daytoy kas Guest of Honor ti graduation ceremony ti “Bagsik-Diwa” Class of 2022.
Iti interview ti Bombo Radyo Baguio kenni PMA Spokesperson, 1LT. Christine Mae Calima, kinuna nga May 15 pay ti tentative date ti nasao nga seremonya.
Immunan nga kinunana a nasurok iti 200 nga kadete ti manamnama nga agturpos intun umay a bulan.
Maangay met ti intun Mayo 9 wenno kagiddan ti eleksion ti presentasyon dagiti Top 10 iti graduating class babaen ti maipatungpal nga Kapihan sa PMA.
Agtaltalinaed nga awan pay ti kanayunan a detalye ti akademya iti agbalin a pamay-awan wenno wagas a maipatungpal ti nasao nga seremonya.
Maipalagip nga idi napalabas a tawen, nagbalin a pribado ti panakaipatungpal ti graduation ti Masaligan Class of 2021. cgd
