Inlawlawag ni Department of Justice spokesman Mico Clavano nga awan ti opisial a kiddaw, manipud sadiay pagilian nga Indonesia para ti prisoner swap iti panakadeport ni Dismissed Bamban Mayor Alice Guo.
Kinuna ni Clavano a masapul a lumasat iti Department of Foreign Affairs ti opisial a komunikasion maipapan iti nasao a banag.
Innayon ti nasao nga opisial a manipud laeng iti media ti Indonesia a naammuan ti Department of Foreign Affairs ti maipagarup a kiddaw ti nasao a pagilian.
Kabayatanna, kinuna met ni Department of Foreign Affairs Secretary Enrique Manalo nga awan ti ammona maipapan iti nasao prisoner swap.
Inyunay-unay met ni Dana Sandoval, panakangiwat ti Bureau of Immigration a saan nga isaysayangkat ti nasao nga ahensia ti prisoner swap.
Maipalagip nga immuna a kinunana ni Justice Secretary Jesus Crispin Remulla itay nabiit a kiniddaw dagiti otoridad sadiay Indonesia ti kustodia ti Australian national a ni Gregor Johann Haas kasukat ni Guo.
Nakemmeg ni Gregor Johann Haas idi Mayo iti agdama a tawen, gapu iti kaso a drug smuggling, maysa a krimen a katakudana ti death penalty sadiay pagilian nga Indonesia.
