Agpalpalagip ti Bureau of Fire Protection-Baguio iti publiko nangruna kadagiti gumatang paylaeng iti kanayunan a Christmas lights a sukimaten ken siguraduen dagitoy a dimmalan iti safety standards sakbay a gatangen ken aramaten.
Nagballaag metlaeng dagitoy a nainget a maipawpawil ti panagaramat ken panagilako kadagiti paputok nangruna no saan dagitoy nga otorisado a gumatang ken agaramat.
Kagiddan dayta, agtultuloy ti panagmonitor dagiti kameng ti Department of Trade and Industry-Baguio-Benguet kadagiti presyo ti magatgatang ita a yuletide season.
Sigun kenni Felicitas Bandonill-Provincial Director ti Department of Trade and Industry-Baguio-Benguet tunggal lawas dagitoy a mangipatpatungpal iti monitoring nangruna kadagiti standards compliance ti christmas lights a mailaklako kadagiti central business district ti syidad ti Baguio.
Daytoy nga initiatiba ket mangprotektar iti publiko kadagiti substandard ken unsafe holiday lights a mangitunda ti electrical hazards.//Bombo Noveh Organo
