LA TRINIDAD, BENGUET – Imbinsa-binsa ti maysa a kontraktor dagiti rason nu apay a nabayag ti kontruksyon ti Balili Bridge idiay Pines Park, La Trinidad, Benguet.
Iti interview ti Bombo Radyo, inlawlawag ni Engr. Edgar Dacoroon, maysa kadagiti site contractor, maysa kadagiti nangipabayag iti pannakaipalpas ti nasao a rangtay ket ti disenyona gapu ta nabaliwan daytoy.
Innayonna a nasukatan ti orihinal a plano nu sadino bimmayag iti dua a bulan ti pannakasukat ti disenyo ti Balili Bridge.
Dinakamat pay ni Engr. Dacoroon nga adda dagiti dadduma nga indibidual a saan a mangipalubos iti panakademolish dagiti istruktura ken adu ti obstruction.
Gapu iti daytoy, kidkiddawenna ti tulong ti gobyerno tapno mapademolish dagiti iligal nga isktruktura a maysa kadagiti mangitantantan iti kontruksyon ti nasao a rangtay.
Mainaig iti daytoy, agkidkiddaw ti nasao a kontraktor ti pawayway wenno time extension.
Iti agdama ket saanda pay a maibaga ti eksakto a petsa a maipalpas ti P77-million ti kontratana a Balili bridge a naituding koma a makompleto idi napan a bulan.//Jezryl Lapizar
