Manarimaan latta ti imbestigasion dagiti otoridad iti tallo nga operatiba a pimmusay a kameng ti Intelligence Service of the Armed Forces of the Philippines (ISAFP).
Kasaruno ti ambush a napasamak idiay Barangay Baimbing, Lamitan, Basilan itay laeng kanikadua.
Maibasar iti inisial a report manipud iti Lamitan City Police Station ken iti Basilan Provincial Police Office, dagiti biktima a mapapati a kameng ti Intelligence Service of the Armed Forces of the Philippines unit a nakabase sadiay Zamboanga ket naglugan iti van idi pinaltogan ida dagiti armado a nangraut nga agus-usar iti assault rifles sadiay Barangay Baimbing.
Patien dagiti imbestigador manipud iti Lamitan City police nga adda dagiti tallo a personnel ti Intelligence Service of the Armed Forces of the Philippines (ISAFP) iti intelligence mission sadiay Lamitan City idi na-ambush-da, a nagresulta iti dagus a pannakatayda.
Iti agdama, agur-urnong dagiti otoridad iti impormasion tapno maammuan dagiti responsable iti pammapatay.
