--Ads--
BAGUIO CITY – Nakemmeg ti maysa a drug personality iti rehion Cordillera iti buy-bust operation a naisayangkat sadiay Military Cut Off, Baguio City idi kalman, September 3, 2021.
Nabigbig daytoy a ni Mark Laurel Dizon Manipon alyas Marco, 34-anyos, baro, telecommunication crew ken residente ti Santa Escolastica Village, Baguio City.
Nakalista daytoy kas maysa kadagiti Regional Top Ten Illegal Drug Personality ti Cordillera Police.
Nakumpiskar kenkuana ti maysa a pakete ti mapapati a shabu nga agdagsen ti maysa a gramo.
Naala pay manipod iti suspek ti naaramat a buy-bust money ken cellphone.
Sumangsango metten daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
