--Ads--
BAGUIO CITY – Palpalagipan manen ti Department of Education (DepEd)-Cordillera dagiti mannursuro a saan da nga agsolicit ti kwarta a maaramat iti maipatpatungpal a brigada eskwela.
Sigun kenni DepEd-CAR Regional Director, Estela Leon-Cariño, ti Brigada Eskwela ket boluntaryo a panagtrabaho nga awanan ti sweldo ken boluntaryo a panangipaay ti donasyon nu adda man.
Impetteng ni Cariño a nu awan ti voluntary donations ket aramaten dagiti pagadalan ti Maintenance ken daduma pay nga operating expenses para iti panagsagana iti panaglukat ti klase inton Agosto 22.
Maipalagip a nangrugi ti Brigada Eskwela idi Agosto uno ken agleppas daytoy agingga inton Agosto 26.
