BAGUIO CITY- Inyunay-unay ni Maharlika Livelihood Center Administrator Arthur Alad-iw nga awan ti favoritism iti pannakaiyakar dagiti vendors iti Maharlika Livelihood Center iti siudad ti Baguio.
Sigun kenkuana, awan ti kinaagpaysuanna ti maibagbaga nga adda dagiti sumagmamano nga stalls iti lobby a saan a maiyakar agsipudta, dadduma kadagiti stalls a nabati ket “Subjected for dismantling”.
Maipalagip a nangipila iti restraining order dagiti sumagmamano a maseknan a vendors iti MLC.
Nupay kasta, imbasura ti korte babaen kadagiti uppat a basaran.
Umuna, awanen ti kontra dagiti vendors; maika-dua, nagleppasen idi Disiembre 25 ti business permit dagitoy; maika-tallo, idi paylaeng Oktubre 2025 a nakitungtung ti MLC a maiyakar dagiti vendors ken ti maika-uppat ket saanda a maikkat no diket maiyalis dagitoy.
Kabayatanna, maipaay kadagiti dadduma nga indibidual ti nailatang a pwesto no saan a kayat dagiti vendors nga umakar iti 4th ken 6th Floor.
Iti agdama, akasagana ti Master Plan para iti pannakapasayaat ti MLC ngem marugian no maaprobaran ti pondo para iti daytoy.//mp4
