BAGUIO CITY – Rugianen ti lokal a gobyerno ti Baguio a mangibangon kadagiti sanitation tents nga addaan ti spray system kadagiti kritikal a public areas kas iti hospital entrances.
Paset daytoy ti mitigation measure tapnu maprebentaran ti panagwaras ti COVID-19.
Sigun kenni Mayor Benjamin Magalong, puntiryada a mangibagon iti 20 a sanitation tents.
Inlawlawagna a babaen kadagiti sanitation tents ket maipalubos ti disinfection kadagiti tattao kadagiti parapubliko a lugar nangruna dagiti health workers, frontliners ken dagiti empleyado a saan a maka-awid iti babbalay dagitoy.
Dinakamat pay ti mayor a maikabil dagiti sanitation tents iti isolation room, CT scan room ken triage area ti Baguio General Hospital and Medical Center; iti hotel nga agserserbi a containment area ti siudad; iti Saint Louis University Hospital ken kadaigti district health centers ti Baguio.
Naamuan nga agpaut iti 30 a segundo ti sterilization ti sumrek iti sanitation tent.
