Maituloy inton bigat ti search operation dagiti otoridad iti 35-anyos a lalaki a mapukpukaw kalpasan a nalmes daytoy iti maysa a karayan sadiay Kias, Baguio City.
Iti panakiuman ti Bombo Radyo iti barangay captain sadiay, kinunana a nalmes daytoy idi kalman ngem saanda a dagus nga inreport kadagiti otoridad.
Nupay kasta, saanda a nasarakan daytoy rason nga intawagda metlaeng iti City Disaster Risk Reduction and Management Council tapno agkiddaw iti tulong.
Naikoordinar metten daytoy iti maysa a barangay sadiay Tuba, Benguet para iti tulong dagitoy agsipud ta possible a naiyanod daytoy sadiay gapu iti agtultuloy a panagyakabak ti tudo.
Immunan nga imbaga ti kapitan a nagturong ti nasao a lalaki iti garden kaduana ti amana ngem idi nagawid dagitoy ket kellaat nga adda ti narba no sadino daytoy ti possible a panakaiyanod ti nasao a lalaki.//Bombo Noveh Organo
