Nangipilan ni Senator Erwin Tulfo iti dua a gakat ken maysa a resolusyon seknan iti panangikat iti system loss a baybayadan dagiti konsyumer.
Daytoy ket kasaruno iti dinakamat ni President Ferdinand Marcos, Jr. iti State of the Nation Address na idi kalman a mangkidkiddaw iti pannakaamyendar iti EPIRA Law.
Ita metlaeng nga aldaw, dagos nga inpila ni Senator Tulfo ti Senate Resolution No. 537 a panggepna nga imbestigaran dagiti polisiya iti sidung ti EPIRA Law nangnangruna iti maipanggep ti system loss charges.
Impilana metlaeng ti Senate Bill No. 2239 wenno maawagan kas Energy Tax Law ken Senate Bill No. 2340 a mangi-exempt iti system loss charges manipud iti Value-Added Tax (VAT).//bombokaren.c.sapirao