--Ads--
BAGUIO CITY – Agpatpataming ti babai a senior citizen iti ospital kalpasan a nasaksak gapu ta saan a nagpautang idiay Pidigan, Abra idi Hulyo 10.
Maibasar iti imbestigasyon, nagturong ti maysa a babai iti pagtaengan ti senior citizen tapno agutang ti P2,000 ngem awan ti impaay ti biktima.
Nagsubli ti suspek kalpasan ti sumagmamano nga oras ken inawisna ti senior citizen nga agturong iti lamay nu sadino ditoyen a sinaksak ti suspek babaen iti kutsilyo.
Nagsagrap ti biktima ti walo a panakasaksak iti nagduduma a paset ti bagina.
Kabayatanna, natiliw ken sumangsango ti suspek iti kaso a frustrated murder.
