--Ads--
BAGUIO CITY – Nakemmeg ti maysa a senior citizen iti buy-bust operation nga insayangkat dagiti otoridad sadiay Bakakeng Central, Baguio City.
Nabigbig daytoy a ni Danny Torcuato Galves, 60-anyos, awanan trabaho, tubo ti San Fernando, La Union ken residente ti Bakakeng Central, Baguio City.
Nakumpiskar kenkuana ti dua a pakete ti mapapati a shabu nga agdagsen ti 10 grams ken aggatad ti nasurok P23,000 ken nagduduma a drug paraphernalia.
Sigun iti pulisya, ni Galves ket high value target ken karaman iti recalibrated regional top 10 illegal drug personalities ti Police Regional Office Cordillera.
Iti agdama, sumangsango daytoy iti kaso a panaglabsing iti Comprehensive and Dangerous Act of 2002.
