Impablaak ni sigud a Police Colonel Royina Garma a kiniddaw ni sigud a president Rodrigo Duterte a miembro ti Iglesia ni Cristo ti polis a mangimaton iti pannakaimplementar ti kopania kontra iti ilegal a druga idi napalabas nga administrasion.
Sigun kenni Garma, inlawlawag ni Duterte babaen iti awag iti telepono a kasapulan a miembro iti Iglesia ni Cristo ti polis, agsipudta patien ni sigud a president Duterte a mapagtalkan ti Iglesia ni Cristo no maipapan iti kwarta.
Daytoy ti inlawlawag ni Duterte iti panang-awagna kenni Garma kalpasan ti tesmonia daytoy iti sanguanan ti House Quad Committee a mangim-imbistigar iti panangpapatay iti war on drugs iti Administrasion ni Duterte.
Maipalagip nga immunan a kinuna ni Garma nga inawagan daytoy ni Duterte idi Mayo 2016 tapno ibagana nga agbiruk iti Police Officer a miembro ti Iglesia ni Cristo.
Ti nasao a Police Officer ti mangimaton iti nationwide implementation iti war on drugs wenno Davao model a maipagarup a nanggunggona iti kwarta iti pannakapapatay dagiti drug personalities.
Impetteng met Garma a saan daytoy a nilapdan ti Duterte nga agtistigo iti amin nga ammona maipapan iti panangpapatay iti war on drugs iti Duterte Adminstrasion.
