Impaayan ti Department of the Interior and Local Government (DILG) ni Sigud nga Ako-Bicol Partylist Rep. Zaldy Co agingga intun Lunes, Nobiembre 24, 2025 tapno sumuko kadagiti otoridad.
Karaman metlaeng ditoy dagiti 17 nga indibidual nga addaan ti warrant of arrest gapu iti naanomalyaan a flood control projects iti pagilian.
Sigun kenni Department of the Interior and Local Government (DILG) Secretary Jonvic Remulla, ur-urayenda paylaeng ti kopya dagiti warrants tapnu makaaramid ti memorandum a mangkiddaw iti panagsuko ni Co agingga intun Lunes.
Imbinglay ni Remulla a ti pannakaipatungpal ti warrant kontra kenni Co ken kadagiti kakadwana nga akosado ket maipatungpal babaen iti Philippine National Police (PNP) ken National Bureau of Investigation (NBI).
