Addaan iti kangatuan a bilang ti siudad ti Baguio iti kaso ti Human Immuno Deficiency Virus (HIV), Acquired Immuno Deficiency Virus (AIDS), wenno Sexually Transmitted Disease (STI )iti intero a rehiyon Cordillera.
Maibasar iti datos ti Department of Health-Cordillera, ngimmato iti 60% ti kaso nasao a sakit iti siudad.
Sigun kenni Darwin Babon, Regional Program Manager manager for STI and HIV iti Department of Health-Cordillera, addaan ti siudad ti Baguio iti pakabuklan a 734 a rekord a nadiagnose iti nasao a sakit.
Kabayatanna, kinuna ni Marylou Faye Lucero, Nurse ti Baguio General Hospital and Medical Center HACT, dumanon metten iti 672 dagiti aktibo nga agpatpataming.
Impaganetgetna pay a rumbeng a dagiti agpataming ket rumbeng nga agparehistro paylaeng.
Imbinglay ti nurse a dakkel ti nagbaliwan ti Baguio General Hospital and Medical Center ita, mainaig iti treatment wenno sistema para kadagiti indibidual nga agpatest iti nasao a sakit gapu ta idi ket nasken nga ipatulodda pay idiay Metro Manila ti test subjects para iti confirmation ngem itan ket one stop shop daytoyen.
Inwaragawagna pay a ti nasao nga ospital ket silulukat para kadagiti agpatest.
Mangidiaydiaya pay dagitoy iti pre-exposure prophylaxis ken post exposure medication.
Malaksid iti dayta, ket umaw-awat metlaeng dagitoy kadagiti indibidual nga adaan iti sakit a hepatitis ken dadduma a mabalin nga intunda ti HIV, AIDS ken STI gapu iti complication.
Iti sabali a bangir, dumanon metten ti tallo pulo ket uppat nga indibidual a nakaptan ti nasao a sakit iti syudad ti Baguio ti pimmusay.
Imbinglayda met a ti kabayagan nga agpatpataming ket agarup baente agingga baente singko a tawen.
Dumanon met iti 71% dagiti aktibo nga umin- inum iti agas bayat nga 65% ti nasuppressed/undetected wenno unstransmittable.//Bombo Noveh Organo
