BAGUIO CITY – Natiliw ti maysa nga Street Level Individual a drug personality iti buy-bust operation nga insayangkat dagiti otoridad sadiay Malcolm Square Barangay, Baguio City idi rabii.
Nabigbig daytoy a ni CHRIST JOS DE VERA.
Nakumpiskar kenkuana ti maysa a pakete ti maatap a napagango a bulong ti marijuana nga agdagsen iti 20 a gramos.
Nakumpiskar metlaeng kabayatan ti operasyon ti kanayonan a maysa a pakete ti maatap a napagango a bulong ti marijuana nga agdagsen ti 20 a gramos ken ti inaramatna a cellphone iti panakitransaksionna iti operatiba ti pulisya.
Narekober met iti ikot ni De Vera ti naaramat a buy-bust money.
Iti agdama, sumangsangon ti nasao a drug personality iti kaso a panaglabsing iti RA 9165 wenno ti Comprehensive Dangerous Drugs Act of 2002.
