Nagturong dagiti sumagmamano a BSU Strawberry Farm stall owners ken storekeepers sadiay La Trinidad Police Station kalpasan a nabarikadaan dagiti stalls dagitoy.
Maibasar iti report ti pulisya, impeksa dagiti storekeepers ti pakaseknan dagitoy kalpasan nga adda nagturong nga empleyado ti BSU sadiay Strawberry Farm ken binarikadaanda ti stall dagitoy.
Sigun kadagiti storekeepers, awan ti prior notice nga impaay ti BSU kadakuada sakbay a maipaserra dagiti nasao nga stalls.
Impadas dagiti storekeepers a nakisarita kadagiti empleyado ti nasao nga unibersidad tapno mailako dagitoy dagiti ilaklakoda a produkto.
Nopay kasta, impaganetget dagiti BSU employees nga aramaten ti Entrepreneur department dagiti nasao nga stalls isunga naipaayanda laeng dagitoy iti gundaway idi Marso a singko nga umalis
Awan met ti naaramidan dagiti stall owners no diket ti umalis ken saanda a mabalin nga alaen dagiti materyalesda.//Bombo Genzel Depayso
