BAGUIO CITY – Naipasidong iti preemptive evacuation dagiti sumagmamano a pamilya ditoy rehion Cordillera gapu iti Bagyo a Falcon ken iti habagat idi kanikadua.
Iti interview ti Bombo Radyo kenni Office of the Civil Defense – Cordillera public information officer Cyr Bagayao, kinunana a nagbakwit dagiti sumagmamano a pamilya sadiay Camp 6, Tuba, Benguet.
Kinunana a babaen daytoy iti inisyatibo ni PMajor James Acod, hepe ti Tuba PNP para iti panakaipasigurado ti kinatalged dagiti maseknan a residente nga agnanaed iti danger zone ti ili.
Innayonna a 17 a pamilya ti nagbakwit sadiay Sabangan, Mt. Province gapu iti pangta ti panagreggaay ti daga iti lugar dagitoy.