--Ads--
Tampok iti agdama ti kaluklukat a Sunflower Fair 2026 dagiti lokal a produkto, arts, ken dagiti “reimagined” sunflower cabins, iti Camp John Hay Open Field, Baguio City.
Agserserbi daytoy nga oportunidad para kadagiti lokal a negosiante, karaman dagiti babassit a coffee shop, ken dagiti working student, a manayunan ti pammastrekanda.
Agtultuloy latta ti operasion daytoy kadagiti stall tapno ipakita ti kalidad dagiti produktoda.
Manamnama met ti panagsarungkar dagiti adu a bisita kadagiti sumaruno nga aldaw para iti panangipakita iti arts and culture iti nasao a lugar.
Ti aktibidad ket proyekto iti Baguio Tourism Council ken JHMC.
Nakalukat daytoy agingga inton May 3, manipod alas-10 ti agsapa agingga tengngat rabii.
