BAGUIO CITY – Agingga ita ket im-imbestigaran dagiti pulis ti pakabigbigan ti suspek a nangbagbagsol iti maysa a senior citizen sadiay Gibraltar, Baguio City a nangitunda iti ipupusay daytoy.
Immunan a nabigbig ti biktima a ni Joseph Wasian Pat-ongay, 68-anyos, naasawaan, tubo ti Mankayan, Benguet ken residente ti Moran, Gibraltar, Baguio City.
Pimmusay daytoy gapu iti nasagrapna a nakaro a dunor gapo iti nasao a pammagsol.
Maibasar iti report ti pulisya, nanggeg ni James Villanueva nga adda ti agpukpukaw a mangibagbaga a malukatan koma ti ruangan ti balayda ken patienna a timek daytoy ti biktima.
Napan daytoy iti kusina ti balayda ken ditoyna a nakita ni biktima a dara-dara ken nakaiggem iti barukong daytoy.
Dagos nga immawag ni Villanueva iti ambulansia para iti panakaitaray ti biktima iti pagagasan ngem saan daytoy a nakalasat. (-with Bombo Nikki Agsiweng)
