BAGUIO CITY – Nakemmeg ti tallo a High Value Target a pakairamanan ti dua a ganganaet iti maysa a drug den sadiay Upper San Vicente, Baguio City kalpasan nga inserbi ti nagtipon nga operatiba ti PDEA-CAR, NBI-CAR ken ti BCPO Station 8 ti search warrant iti apartment dagiti suspel.
Nabigbig dagiti nakemmeg a da c, 26-anyos, estudyante; Mohammamed Ali Osman,27-anyos, estudyane, agpada dagitoy a Sudanese National ken Dunhill Calibuso, 29-anyos.
Nakumpiskar kadagiti suspek ti 15 a transparent plastic sachet a naglaon iti mapapati a shabu nga agdagsen iti 8.10 a gramo ken aggatad iti iti P55, 080; maysa a plastic sachet a naglaon iti napagango bulong ti Marijuana nga aggatad iti P360,000 ken nagduduma a drug paraphernalia kas iti aluminum foil, bundle ti transparent plastic sachet, digital weighing scale ken lighters.
Sigun iti PDEA, mapapati nga ar-aramaten dagiti ganganaet ti apartment tapnu pakaipatungpalan dagiti iligal a transaksiyon dagiti suspek.
Sigun iti record ti PNP, immunan a nakemmeg ti Osman idi Agosto 2016 gapu iti agpada a kaso bayat a karuruar laeng ni Calibuso iti pagbaludan.
Sumangsango dagiti suspek iti panaglabsingda iti RA9165 wenno Comprehensive Dangerous Drugs Act of 2002.
