BAGUIO CITY – Nakemmeg ti tallo nga indibidual, pakairamanan ti maysa a wanted person, iti nagsisina nga operasyon dagiti otoridad iti probinsia ti Kailinga ket sadiay Isabela idi kalman.
Nakemmeg ti maysa a wanted person ti Kalinga kalpasan nga inserbi dagiti otoridad ti warrant of arrest sadiay Minagbag, Quezon, Isabela.
Nabigbig daytoy a ni Nhigel Gonayon Baddongon, 30-anyos, naasawaan, laborer ken residente tu Balinciagao Norte, Pasil,Kalinga.
Sumangsango ita ti nasao nga indibidual iti kaso a panaglabsing iti RA 9262 wenno ti Anti-Violence Against Women and Their Children Act of 2004 ken narekomendaran iti P72,000 para iti temporaryo a panakaway-waya daytoy.
Kabaytana, nakemmeg met ti maysa a Liason Officer gapu iti kasona nga Estafa through Falsification of Commercial Document sadiay Purok 6, Bulanao, Tabuk City, Kalinga.
Nabigbig daytoy a ni Joan Flores Guimbawan, 34-anyos, naasawaan ken residente ti Dagupan West, Tabuk City, Kalinga.
Kabayatana, sumangsango met ita iti kaso nga Acts of Lasciviousness and Unjust Vexation ti maysa a mannalon kalpasan nga inserbi dagiti otoriadad ti warrant of arrest sadiay Purok 6, Bulanao, Tabuk City, Kalinga idi kalman.
Nabigbig daytoy a ni Rene Ranjo, Lawagan 22-anyos, baro, ken residente ti Guilayon, Tabuk City, Kalinga.
Naituding nga agpiyansa ti nasao nga indibidual iti P12,000 para iti temporaryo a panakawayawaya daytoy.
