Baguio City- Balligi a nakayawid ti maysa a gold ken dua a silver medals dagiti Team Lakay fighters iti kallepas a Final X Championship submission grappling tournament idiay Clark, Pampanga.
Nagkampeon ni Carlo Von Bumina-ang iti under 80kg intermediate division kalpasan nga inabak na ni Franz Mclaren Matias iti finals.
Nakastrek ni Bumina-ang iti championship round gapu iti tallo a nagsisinnaruno a pangabak na kontra kada Kurt Wagayan iti first round, Denzel Alipio iti quarter finals ken Survivor Rosenberg iti semifinals.
Kabayatanna, nagleppas met iti maikadua a pwesto dagiti dadduma pay a Team Lakay martial artist a da Joris Jonker ken Jaybee Ban-eg kadagiti sinalipan dagitoy a weight division.
Nakaabante ni Jonker iti semifinals ti 80kg intermediate division kalpasan nga inabak na ni Cris Aelis ngem naabak isuna kenni Callum Roberts.
Ni Ban-eg ken nakastrek championship rounds ti under 80kg professional division kalpasan iti submission win kontra kenni Ross Dana iti opening round. Napasarunuan pay ti balligi na kada Jomar Rush ti Hong Kong Fight Club iti quarterfinals ken Paolo Tiu ti Origins iti semifinals ngem napaay isuna kenni Geeno Abalos ti Checkmat PH para iti silver medal finish.
Ti Final X Championship ket adda pagannurutan a submission-only format nu sadino dagiti laban ket mangabak laeng babaen iti submission//Bombo Jordan Tablac
