Naituding a mailukat iti publiko ti tennis court iti Baguio athletic bowl inton June 2, 2025.
Iti pannakiuman ti Bombo Radyo kenni Engr. Bonifacio Dela Peña-City Administrator iti siudad ti Baguio, kinunana a mailukat daytoyen iti publiko kalpasan a naaramid dagiti pagalagadan iti nasao a court.
Malaksid iti dayta, mailukat metlaeng ti parking slot sadiay no sadino mabalin a makaakomodar daytoy iti 79 nga slots.
Daytoy ket tapno makatulong iti nailet a gunay ti trapiko iti siudad ti Baguio nangruna ket agkurkurang dagiti pagparadaan.
Mailukat daytoy iti 10 am agingga 6pm ngem mabalin metlaeng ti overnight.
Nupay kasta first come first serve basis daytoy ken online ti reservation ken panagbayad.
Kabayatanna, imbinglay ni Dela Peña a ti mang-operate iti nasao a tennis court ket ti Sports Division, ti bayad dagiti pagparadaan ket imanehar ti Treasury Office bayat a ti canteen sadiay ket imanehar ti Procurement Committee.
