Temporaryo a nakanselar paylaeng dagiti amin a tourism activities, small-scale mining activities ken dadduma pay nga aktibidad idiay Itogon, Benguet kas panagsagana iti posibble a pangta ti typhoon Kristine.
Sigun kenni Itogon Mayor Bernard S. Waclin, makanselar metlaeng dagiti quarrying ken gold panning kadagiti igid ti karayan iti nasao a munisipyo.
Imbilinna metlaeng kadagiti amin a kapitan iti masakupanna a munisipyo tapno agbalin nga alerto ken aktibo kas panagsagana iti kanito a mapasaran ti epekto ti nasao a bagyo.
Innayonna pay a kasapulan a dagus a mangipayulog dagiti barangay sadiay iti warning advisories tapno maliklikan ti aniaman nga insidente.
Iti agdama, nakasagana dagitoy bayat a nakaalerto metten dagiti barangay officials ken municipal officials sadiay.
