--Ads--
BAGUIO CITY – Agkidkiddaw iti tulong kadagiti kakailyan ti maysa a senior citizen kalpasan a nauram ti pagtaenganda sadiay Country Club Village, Baguio City idi malem kalman.
Sigun kenni Sixto Nabus, agtagikua iti nauram a balay, nalipatanna nga ideppen ti paglutlutwanna sakbay a pimmanaw.
Dagus met a nagresponde dagiti bombero ti siudad kalpasan a naawatda ti tawag dagiti maseknan a residente.
Nupay kasta, saandan nasebseban ti kalapaw gapu iti napartak a panagramaram ti apoy.
Naamuan a daytoyen ti maikadua a gundaway a nauram ti pagtaenganda.
Kabayatanna, kinunana ni Kagawad David Bayagen iti Country Club Village a gapu iti nailet a kalsada ket saan a nakadanun ti fire truck dagiti bombero iti nasao a lugar.
