BAGUIO CITY – Nabingay ita ti turista a nagbisita ti siudad kabayatan iti holy week.
Sigun kenni Engr. Alec Mapalo, City Tourism Officer, adu a bilang ti turista ti nailista ita a tawen ngem nababbaba nu idilig idi napalabas a bulan kabayatan ti panakarambak ti Panagbenga Festival.
Dinakamatna a nasayaat a “distributed” wenno naiwaras ti turista tapno saan unay a crowded dagiti nagduduma nga tourist spot iti siudad.
Kinunana a nupay adu dagiti turista a dimmar-ay ket adda met dagiti umili ti siudad a simmarungkar kadagiti dadduma a lugar wenno kadagiti kabaybayan rason a saan unay nga adu ti taso iti nasantoan a lawas.
Innayona pay a nagbalin a balanse ti panagturong dagiti tatao kadagiti open parks rason a saan unay a parikot ti panakaimanehar dagiti tattao.
Mainaig iti dayta, impanakkelna met a dakkel ti tulong ti gunay ti trapiko iti panakaiwaras dagiti turista kadagiti nagduduma a pagpasyaran gapu ta saan unay a nailet ti gunay daytoy bayat ti panakaobserbar ti holy week.
Impanamnama na met a posible a mapasamak ti kapada a sitwasyon ita a summer season nu sadino pagsagsaganaan dagitoy.
Kabayatanna, impannakel ni Engr. Mapalo a bimmasiten dagiti mabikbiktima ti accomodation scams gapu ta agan-annaden dagiti bisita/turista kadagiti online transactionsda.
Nupay kasta, agtultuloy ti panag-allukoyna kadagiti a bisitaenda laeng ti visita.baguio website tapno maliklikan ti aniaman a kita ti accomodation scams.//Bombo Raz Pagoli
