BAGUIO CITY – Umap-apela iti publiko ti pamilya ti biktima a nadungpar iti sangwanan ti balay-paginuman sadiay M. Roxas Street, Trancoville, Baguio City idi Abril 6 para iti panakasarak ti lalaki a nangiduron iti daytoy.
Immunan a nabigbig ti pimmusay a ni Bryan Joshua Banite, 22-anyos, baro, transcriptionist ken residente ti Pico, La Trinidad,Benguet.
Pimmusay daytoy kalpasan a nadungpar ti maysa a jeep.
Maibasar iti imbestigasyon ti pulisya, naaddaan iti saan a panagkinnaawatan ti biktima ken iti kadwana a nabigbig a ni Jerico Borbe.
Mapapati nga induron ni Borbe ti biktima a nagresulta iti panakatumba daytoy iti kalsada.
Ditoy nga aksidente a nadalapus ti biktima babaen iti jeep ngem iti baet a naitaray iti pagagasan ket pimmusay latta daytoy.
Kinuna ti pamilya Banite a kasapulanda ti tulong para iti panakatuntun ti lokasyon ni Borbe tapnu mapatawan met iti kaskenan a pannusa.
Sigun iti pamilya, saanda a kumbinsido a ti laeng driver ti jeep ti addaan basol iti kaso gaputa saan a maiduron iti kalsada ti kabsatda no awan ti nangiduron iti daytoy.
Kidkiddawen ti pamilya ti tulong ti publiko tapnu marisut ti kaso.
Umuna a report:
https://www.bomboradyo.com/baguio/driver-ti-jeep-a-nangdungpar-iti-pimmusay-a-baro-ditoy-baguio-city-naibalud/
