BAGUIO CITY – Natiliw ti uppat nga indibidual iti buy-bust operation nga insayangkat ti Baguio City Police Office – Police Station 8, Philippine Drug Enforcement Agency – Cordillera, ken dadduma pay a yunit ti pulisya idiay Upper San Vicente, Baguio City.
Agtawen dagiti suspek ti 46-anyos, 30-anyos, 31-anyos, ken 29-anyos, dua kadagitoy ket babai.
Nakumpiskar manipud kadakuada ti maysa a pidaso ti tubular dried marijuana leaves with stalks ken fruiting tops nga agdagsen ti 1,000 grams ken aggatad ti P20,000; siyam a pakete ti maatap a crystalline substance nga agdagsen ti 8 grams ken aggatad ti P54,400.
Amin dagiti suspek ken nakumpiskar nga ebidensiya ket naiturong iti kaskenan nga opisina ti pulisya para iti umno a dokumentasyon.
Sumangsango dagiti suspek iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
