--Ads--
PHILIPPINES – Agtaltalinaed a kumpiyansa ti National Economic and Development Authority (NEDA) a magun-od ti Pilipinas ti upper-middle income status inton sumaruno a 2025.
Inlawlawag ni NEDA Secretary Arsenio Balisacan nga asidegen a magun-od ti Pilipinas ti threshold minimum tapno mairaman iti upper-middle income countries.
Sigun pay kenkuana, ti gross national income (GNI) per capita ti pagilian wenno ti pakabuklan a kwarta a maur-urnong dagiti tattao ken dagiti negosyon ket kasapulan laeng a mapangato pay iti 6.7% ita a tawen.
Maipalagip nga agtaltalinaed a lower-middle income country ti Pilipinas nga addaan ti gross national income (GNI) per capita a $4,230 idi 2023.
