Agbalin a kaunaan a Vice President a maimpeached ni Vice President Sara Duterte iti pakasaritaan ti pagilian a pilipinas apaman a balligi a maipaikkat daytoy iti pwesto.
Nupay kasta, sumagmamano kadagiti government official ti inmunan a napilaan iti impeachment complaints sipud idi 1986.
Immuna a naimpeach ni sigud a president Joseph Estrada idi 2001 no sadino, isuna ti kaunaan a presidente iti pagilian a balligi a naipaikkat iti pwesto.
Kabayatanna, kaunaan met ni sigud a President Elpidio Quirino a government official a nakaawat iti impeachment complaint.
Naipila metlaeng ti impeachment complaint kontra kenni sigud a President Diosdado Macapagal ken Ferdinand Marcos Sr. idi 1964 ken 1985.
Karaman kadagiti sigud a presidente a napilaan iti impeachment complaint da sigud a president Corazon Aquino idi 1988; sigud a President Gloria Macapagal Arroyo idi 2005 angingga 2008; sigud a president Benigno “Noynoy Aquino”; former president Rodrigo Duterte ngem saan amin dagitoy a balligi a naipaikkat iti pwesto.
Kabayatanna, naipila met ti impeachment complaint kontra kadagiti sigud a bise presidente a da Noli de Castro ken Leni Robredo idi 2005 ken 2017, ngem awan ti mammanday-linteg a nangi-endorso iti daytoy.
Iti agdama, dumanon iti lima a government officials iti pagilian ti balligi paylaeng a naipaikkat iti pwesto kalpasan ti EDSA revolution.
Pakairamanan daytoy da sigud presidente Joseph Estrada, former Ombudsman Merceditas Gutierrez idi 2011, former Chief Justice Renato Corona idi 2012, former Commission of Elections chairperson Andres Bautista idi 2017.
Maipalagip a ti termino nga “impeachment” ket maysa a proseso a nakalanad iti Konstitusion tapno maikkat ti maysa a presidente, bise presidente, kameng ti Kongreso, Korte Suprema, dagiti daddaulo iti constitutional commissions, ken Ombudsman manipud iti posisyon dagitoy.
