Baguio City – Nagballigi iti Kalinga a ragpaten ti Guinness World Record para iti kadakkelan a banga dance ken gong ensemble a napasamak idiay Kalinga Sports Complex idi kalman.
Inanunsyo daytoy ni Guinness World Record Official Adjudicator Kazuyoshi Kirimura iti oras iti alas nuebe idi rabii.
Dumanon iti 3,440 ti bilang dagiti lallaki a gong players ti nakipaset iti Awong Chi Gangsa wenno The Call of a Thousand Gongs ken 4,681 a pot dancers para iti Agtu’n Chi Banga wenno the Dance of a thousand Pots.
Parte daytoy iti maika-duapulo ket walo a founding anniversary iti Kalinga ken maikapat a Bodong Festival.
Ngem gapu ta dua a kategorya ti pinadasda nga artapan, agsina met ti adjudication dagitoy.
Sigun kenni Guinness World Record Official Adjudicator Kazuyoshi Kirimura, karaman iti criteria tapno maikonsidera ti panggep iti Kalinga para iti Gong Dance ti numero iti naaramat a gong, numero iti nausar a beat stick, ken ti lima a minuto a tuloy-tuloy a panagtugtog.
Kabayatanna, nakipaset met kas Guest of Honor and Speaker ni Department of National Defense Secretary and Presidential Adviser on the Peace Process Carlito Galvez.
