BAGUIO CITY – Naipaayanen iti akreditasion ti 15 a senior citizens ditoy siudad nga agserbi kas tour guides.
Sigun ken ni Councilor Betty Lourdes Tabanda, inaprobaran ti Department of Tourism ti kiddaw ti lokal a gobierno a pannakaipasidong dagiti nasao a nataengan iti training para iti panagserbida kas tour guide.
Kinunana a kalpasan ti panagesanyo dagiti senior citizens ket naipaayanen dagitoy iti lisensia ken akreditasion.
Inlawlawag ni Tabanda a napintas daytoy a gundaway para kadagiti natataengan tapno maibinglayda ti talentoda kadagiti sangaili.
Dinakamatna a makatulong dagiti natataengan a tour guide iti pannakailawlawag kadagiti sangaili dagiti pakasaritaan dagiti tourist spots ditoy siudad.
Innayonna a napintas met laeng daytoy a gundaway tapno agbalin latta nga aktibo dagiti natataengan uray nadanonen ti retirement age dagitoy.
