BAGUIO CITY – Nakemmeg ti dua nga indibdual gapu iti panangpekeda kadagiti dokumento nga imparangda iti border checkpoint pastrek ditoy syudad ti Baguio idi kalman.
Nabigbig dagitoy a da Andrew Moico Lut, 33-anyos, ken John Kevin Magno Cagujas, 27-anyos, agpada a residente ti Green Valley Paringao, Bauang, La Union.
Maibasar iti report, naduktalan a peke ti impakita dagiti nasao nga indibidual a papelesda kalpasan a napaayda a nangipakita iti orihinal a kopya ti dokumento dagitoy.
Inaklonda metlang a peke ti nasao a dokumento ken inaramidda laeng daytoy tapnu adda iti maipakitada kadagiti checkpoints.
Iti agdama, sumangsangon dagitoy iti kaso a panaglabsing iti Republic Act 11332 wenno Mandatory Reporting of Notifiable Diseases and Health Events of Public Health Concern Act.
