BAGUIO CITY – Naimandato ti tunggal barangay nga ipasada ti Annual Budget for year 2025 agingga inton Oktubre 16 laeng, iti agdama a tawen.
Daytoy ket tapno maliklikan ti re-enacted ken kas panagtungpal iti Seal of Good Barangay Governance nga ipatpatungpal ti Department of the Interior and Local Government (DILG).
Sigun kenni Councilor Rocky Aliping, Presidente ti Association of Barangay Councils – Baguio, manarimaan ti panagsagana ti tunggal barangay nu sadino mangipatpatungpalda iti bukod da nga special meeting, planning sessions, training seminar, ken daduma pay.
Kabayatanna, namnamaen ni Aliping a makaipasada ti budget iti city government iti umuna a lawas ti Oktubre.
Kinunana a narigat ti panakaaramid ti proposed budget nangruna dagiti pre-requisite-na gapu ta kasapulan a sukimaten ti concerned department.
Inlawlawagna pay a kasapulan a maitunos ti programa ti barangay iti programa ti gobyerno.
