Patien ti Federation of Free Workers (FFW) a posible a mapukawan iti trabaho dagiti lima a milyon a Pilipino ita a tawen gapu iti kaadda ti artificial intelligence (AI) ken ti panagbalbaliw ti panawen.
Imbasar ti FFW ti statement dagitoy iti patta-patta ti International Monetary Fund (IMF) a 14% kadagiti mangmangged iti pagilian ti posible a sukatan ti Artificial Intelligence ken posible a mapukaw ti 2.3 million a trabaho gapu met iti nagbalin nga epekto ti bagyo idi napan a tawen.
Maibasar iti report ti IMF idi napan a tawen, mapatta-patta a 36% kadagiti trabaho iti pagilian ket naibilang kas “highly exposed” wenno nalabes ti panagaramat iti AI bayat a nasurok kagudwa ti maibilang kas “highly complementary,” nu sadino maar-aramat laeng ti AI kas katulongan dagiti empleyado.
Nupay kasta, ti met “low-complementarity jobs,” ket 14% manipud iti total workforce ket agngangabit a masukatan ti AI.
Gapu iti daytoy, impetteng ni Julius Cainglet, Federation of Free Workers Vice President For Research, Advocacy, and Partnerships a nasken a papigsaenda ti pannakisaritada kadagiti employers babaen iti social dialogue.
