BAGUIO CITY – Innem manipud kadagiti pito a kongresista iti Cordillera Administrative Region ti nagpirma iti impeachment complaint kontra kenni Vice President Sara Duterte ita nga aldaw.
Karaman ditoy ni Baguio City Congressman Mark Go, Apayao Congressman Eleanor C. Bulut-Begtang, Abra Governor Ching Bernos, Kalinga Governor Allen Jesse Mangaoang, Ifugao Congressman Solomon Chungalao ken Mt Province Congressman Maxi Dalog.
Ni laeng Benguet Congressman Eric Go Yap ti saan a nagpirma iti impeachment complaint kontra kenni Vice President Sara Duterte.
Iti agdama ket al-alaen paylaeng ti Bombo Radyo ti benneg dagiti pito a kongresista ti rehiyon Cordillera nu apay a pinaboranda ti pannaka-impeach ti bise presidente ken nu apay met a saan a pimmabor ni Benguet Congressman Yap.
Maipalagip nga ita nga aldaw ket na-impeach ni Vice President Sara iti kongreso kalpasan a 215 a kongresista ti nagpirma iti maikappat nga impeachment complaint kontra iti bise presidente.
Maibasar iti listaan, immuna a nagpirma iti impeachment complaint ti anak ni President Ferdinand Marcos Jr. a ni Ilocos Sur Representative Sandro Marcos ken naudi met a nagpirma ni First District Leyte Representative ken House Speaker Martin Romualdez.
Impaima metten ni House Secretary General Reginald Velasco kenni Senate Secretary General Renato Bantug ti kopya ti articles of impeachment kontra iti bise presidente.
