BAGUIO CITY – Dumanon iti nasurok 75-K a traffic violations ti nairekord ti Baguio City Police Office – Traffic Enforcement Unit manipud Enero agingga iti agdama.
Iti panakiuman ti Bombo Radyo kenni PLt.Col. Zacharias Dausen, dadaulo ti Traffic Enforcement Unit, kaadwan kadagiti natiliwanda ket bayat ti holiday season ken weekends.
Maibasar iti nasao a datus, buklen daytoy ti residente ken turista nu sadino kaadwan kadagiti nalabsing nga ordinansa ket No Parking, Obstruction ken Coding.
Sigun kenni Dausen, agtaltalinaed nga adda ladta kadagiti umili ti saan nga agtultulnog kadagiti pagnnurotan iti trapiko ti siudad iti baet a kanayon a maipalpalagip daytoy.
Apelana met kadagiti violators a kontrolenda ti emosyon dagitoy, ilawlawagda a nasayaat ken aklonenda a nilabsingda nga ordinansa tapno maliklikan ti nabara nga argumento iti nagbaetan dagitoy.
