BAGUIO CITY – Agkasapulan ita ti Professional Regulation Commission (PRC) – Cordillera ti 800 a proctors wenno room watchers para iti umadanin a Licensure Examination for Professional Teachers (LEPT) a maangay iti Baguio City inton Setyembre 25.
Aw-awisen ti PRC-Cordillera dagiti teachers, professionals, government employees ken baccalaureate degree holders nga agaplay.
Inyunay-unay ti ahensiya a saan a mabalin nga agaplikar dagiti indibidual nga adda kabagyanna nga examinees agingga iti third degree of consanguinity wenno affinity.
Ti kasapulan a requirements ti duly accomplished PRC Personal Data Sheet Form nga addaan ti passport-size ID picture, scanned copy ti Transcript of Records wenno photocopy ti PRC Identification Card ken certificate of Good Moral Character a pinirmaan ti Barangay Chairman para laeng daytoy kadagiti aplikante nga awanan pay ti trabaho.
Mabalin nga isumiter ti aplikante dagiti nadakamat a requirements iti opisina ti PRC-Cordillera sadiay Rizal Monument, Baguio City wenno isumiter iti email address ti ahensiya nga car.examination@prc.gov.ph
Maipasidong iti mandatory orientation dagiti kwalipikado nga aplikante.
