--Ads--
Adda itan iti kustodiya ti pulisya ti suspek iti napasamak a vehicular traffic accident sadiay 29 Imelda Barangay Marcos Highway, Baguio City idi kalman a nangitunda iti ipupusay ti maysa a senior citizen.
Ti suspek ket agtawen iti 22, residente iti Teachers Village, Sto. Thomas Proper, Baguio City. Ti inmanehona a lugan ket Isuzu D-Max model 2022.
Ti biktima ket agtawen iti 65 ken residente met iti Marcos Highway, Baguio City.
Iti impormasyon manipod iti pulisya, bayat a dumaldalyasat ti biktima iti kalsada ket nadungpar daytoy ti lugan ti suspek a maatap a naiturogan bayat ti panagmanehona.
Gapu iti daytoy, nagsagrap ti biktima iti multiple physical injuries a nangitunda iti ipupusayna.//Bombo Genzel Depayso
