Inlawlawag ti opisina ti Benguet Electric Cooperative, Inc wenno BENECO a nakaproseson ti maysa a pakaseknan ti maysa nga indibidaul sadiay Purok 23, San Carlos Heights, Baguio City kalpasan a ti poste ti kuryente iti abay ti balayna ket nagsikig ken nag-uy-uy ti sumagmamano a wires iti rooftop dagitoy.
Iti panakiuman ti Bombo Radyo kenni Mario Calatan – System planning and design officer iti BENECO, kinunana a naawatda ti complaint ni Mrs. Saguibal ket nainspect daytoyen ti Enginner no sadino under process daytoyen.
Kinunana a ti proyekto dagitoy ket process by process ken no anya wenno sino iti immuna ket isu’t umuna a rugianda.
Inlawlawag ni Calatan a ti rason no apay a saanda a narugian daytoy ket gapu iti advisories wenno prohibitions a saan dagitoy a mabalin a pagsasarunwen wenno sagadsaden iti power interruption gapu iti graduation.
Nu pay kasta, impaganetgetna nga addan iti schedule para iti panakaisimpa ti nag-uy-uy a linya ti kuryente ti complainant.
Daytoy ket manamnama a marugyan apaman a malpas ti election.
Sigun kenni Calatan, ti solution a maipaayda para iti daytoy ket iti panakareroute ti linya ti kuryente tapno saan daytoy a naka-uy-uy kadagiti bubungan.
Saan met a maiyakar ti nagsikig a poste ti kuryente ngem adda iti manamnama a dua a baro a poste para iti panakareroute dagiti linya ti kuryente.
Imbinglay ni Calatan nga iti nasao a pakaseknan ket agarup lima gasut agingga walo gasut dagiti consumers a maapektaran nu maiyakar ti poste.
Maipalagip a namindua a daras a nagturong ti complainant iti nasao a kompanya gapu ta nagsikig ti poste ti kuryente a naisanggir iti pine tree kalpasan ti napasamak a bagyo a Kristine idi napalabas a tawen.
Malaksid iti dayta ket naka-uy-uy dagiti linya ti kuryente ken naukisan ti parte ti live wire nga adda iti bubungan dagitoy.//Bombo Noveh Organo
