WANGAL, LA TRINIDAD- Inlawlawag ni Alfredo Agmaliw Jr., Brgy. Captain ti Wangal, La Trinidad a masakupan ti probinsya ti Benguet ti mairekreklamo a flume canal sadiay Upper Wangal.
Daytoy ti makagapu a saanda a dagus a makaipaay iti aksiyon seknan iti parikut ti constituents, nangruna dagiti pakaseknanda iti drainage, sewerage, ken dadduma pay.
Sigun kenni Agmaliw Jr., paset ti provincial housing project ti nasao a lote isu’t gapuna nga inyumanda iti provincial office.
Nupay kasta, awan paylaeng ti naawat dagitoy a sungbat agingga iti agdama.
Inlawlawag ti nasao nga opisial nga institutional paylaeng ti lote isu’t gapuna a saanda a mangipatungpal iti aniaman a proyekto partikular iti masakupan dagitoy a Barangay.
Maipalagip a nagreklamo ti maysa a residente ti Upper Wangal, La Trinidad gapu iti nadadael a paset ti flume canal a mangituntunda iti parikut kadakuada nangruna iti panagtutudo.
Gapu iti dayta, immapela kadagiti maseknan nga ahensia para iti dagus a pannakaipaay ti aksiyon.//Bombo Genzel Depayso
